O próximo domingo 11 de Novembro chega como tódolos anos o Magosto do club Só lles falta falar. Este ano celebraremos o magosto no Concello do Pino. Máis concretamente na praia fluvial do río Mera, a uns 20 km de Santiago (Preto do aeroporto).Na praia hai mesas e grellas para facer churrasco e por suposto as castañas!
Na contorna hai dúas rutas, unha ruta botánica duns 4 km e outra duns 5-6 km. A idea é que cada quen elixa se quere facer as dúas rutas ou só unha delas. Aqueles que só se animen ca pequena poden botar unha man a preparar as cousas para o xantar así todos terán algo que facer e non estar a esperar a que os outros volvan da ruta.
Organización da saída:
- Puntos de encontro:
- 10:00 diante do Corte Inglés de Santiago.
- Servizo de furgoneta:
- Hai dispoñibles 8 prazas, apuntádevos nos comentarios.
- Comida:
- Coma sempre cada quen que leve un pouco para compartir.
- Para participar na saída é imprescindible apuntarse no blog do Club.
- Data límite: ata o Venres día 9 de Novembro.
O club Só lles falta falar quere recordar que para asistir ás actividades é preciso ser socio e que o noso can teña pasado o test de carácter. Máis información na web do club.
17 Responses