Club de Cans de Familia
Ola a todos ,
Xa case estamos de camiño á Fonsagrada, para pasar os días 18-19 e 20 de Outubro.
Finalmente somos 23 persoas .
A través do Blog iremos poñendo toda a información e organizando a viaxe.
Casa rural da Bastida : http://www.casadabastida.com
O club Só lles falta falar quere recordar que para asistir ás actividades é preciso ser socio e que o noso can teña pasado o test de carácter. Máis información na web do club.
Xa estamos en Setembro e aqui temos a primeira saída do curso, este domingo 8.
Faremos unha ruta circular ben preto de Santiago. Partiremos do Polígono do Tambre, na parte posterior do mesmo onde hai un merendeiro ó carón dunha Igrexa.
Faremos unha ruta circular duns 10 Km. Un paseo agradable e de dificultade baixa por camiños anchos e prácticamente sen costas. Atravesaremos distintas paisaxes como fragas do país e mesmo un anaco do camiño inglés. Teremos que ter precaución pois nun dos tramos do percorrido poderemos atopar gando (vacas e ovellas).
Como extra, e se alguén se anima, podemos achegarnos a un dos túneis do antigo percorrido a vía férrea Coruña-Santiago.
Organización da saída:
O club Só lles falta falar quere recordar que para asistir ás actividades é preciso ser socio e que o noso can teña pasado o test de carácter. Máis información na web do club.
O próximo domingo 25 de Agosto realizaremos a segunda parte da saída do pasado día 4. 
De novo faremos unha ruta circular. O paseo comeza e acaba no mosteiro de Toxosouto ( estrada Santiago-Noia) De novo camiñaremos xunto ó río Traba onde poderemos ver unhas fermosas fervenzas, logo subiremos cara o cumio dun monte por camiños forestais ata chegar ó alto dende onde teremos unhas incribles vistas da ría de Noia. Xa de regreso a Toxosouto atravesaremos unha pequena fraga e unha ponte do medievo.
A saída é duns 10 km aproximadamente e de dificultade media-baixa perfecta para un agradable paseo.
Organización da saída:
O club Só lles falta falar quere recordar que para asistir ás actividades é preciso ser socio e que o noso can teña pasado o test de carácter. Máis información na web do club.
O próximo domingo 4 de Agosto teremos unha nova saída. Achegarémonos ata o concello de Lousame
De novo faremos unha ruta circular. Durante o percorrido camiñaremos xunto ó río Traba polo camiño dos pescadores. Ó comezo da ruta temos un área recreativa e poderemos ver as ruínas de varias antigas fábricas de papel durante a marcha.
Se o tempo acompaña non dubidedes en levar roupa de baño pois hai varios puntos no percorrido que de certo animan ó baño.
A saída é duns 10 km aproximadamente e de dificultade media-baixa así que xa vos estades a animar!
Organización da saída:
O club Só lles falta falar quere recordar que para asistir ás actividades é preciso ser socio e que o noso can teña pasado o test de carácter. Máis información na web do club.
Ola a todos, nesta nova sección do blog atoparedes as indicacións e todo o que precisades para emular as comidas estrela que os socios levan ás saídas. E por suposto todos podedes enviar as vosas á dirección do blog ([email protected]) para que as publiquemos.
E xa para comezar, a primeira será a tarta de améndoa cortesía de Pablo, Noa e Seville.
INGREDIENTES: Para a tarteira de 30 cm de diámetro
– Recipiente / molde de aluminio onde vamos a meter a mestura.
– 10 ovos
– 1/2 Kg. de améndoa moída
– 1/2 Kg. de azucre
– 1 limón Ler máis
Para loitar un pouco coas temperaturas destes días o próximo domingo 14 de Xullo achegarémonos ata Malpica.
Esta é unha ruta circular de aproximadamente 8 km. É unha ruta que poderemos completar en algo menos de 3 horas e que transcorre pola praia do centro do pobo, pola costa pasando polo monte ata a ermida de San Adrián.
Organización da saída:
O club Só lles falta falar quere recordar que para asistir ás actividades é preciso ser socio e que o noso can teña pasado o test de carácter. Máis información na web do club.
O próximo domingo 30 de Xuno volveremos a facer unha ruta deste ano, a de Riamonte.Organización da saída:
O club Só lles falta falar quere recordar que para asistir ás actividades é preciso ser socio e que o noso can teña pasado o test de carácter. Máis información na web do club.
Ola a todos, esta fin de semana teremos unha nova saída.
De novo será preto de Santiago, en Sigüeiro onde pasearemos pola beira do río Tambre. Agardamos que esta nova saída sexa do agrado de tódolos socios.
A ruta é sinxela, plana e serán uns 7-8 km. Vai facer un día espléndido e caloroso.
Está é a ruta que imos seguir:
Organización da saída:
O club Só lles falta falar quere recordar que para asistir ás actividades é preciso ser socio e que o noso can teña pasado o test de carácter. Máis información na web do club.
1.Cando tiveches o teu primeiro can?
Creo que tiña uns 4 anos…puf!!! xa choveu!
2. Cal é a túa 1ª regra ou consello para educar a un can? e ti, ¿ Como educas ó teu can?
Ante todo ser consistente. É dicir actuar sempre da mesma forma ante as condutas do animal. É a mellor forma de evitar malos entendidos e ansiedades . Ademais traballar moito con el e reforzar as condutas que nos interesan (sempre educando en positivo, claro!).
3. Que opinas da prohibición de levar os cans ceibos?
Paréceme moi adecuada e coido que é unha moi boa forma de evitar accidentes. Aínda que os nosos cans sexan moi educados e moi boíños temos que pensar que se poden achegar a xente que lles pode ter medo e isto non é bo. Por outra parte hai cans que aínda que vaian presos poden reaccionar de forma agresiva con cans ceibos dando lugar a malas experiencias polos dous bandos. E por último, os nosos cans, por moi educados que estean, pódense asustar nun determinado momento e saltar sen querer a estrada e provocar un desastre.
4. Que che parecen programas de TV coma “El encantador de perros”?
Bos días a todos!Esta semana comeza cunha boa nova, o próximo domingo día 2 organizamos unha nova saída do Club de cans de familia Só lles falta falar!
O destino deste fin de semana será Boqueixón, ben preto de Santiago así que agardamos que todo o mundo se apunte que é un lugar bastante céntrico para os socios que temos repartidos por toda Galicia.
Sen máis aquí vai a información da ruta:
O punto de partida desta ruta circular de aproximadamente 10 Km será o merendeiro en Subcira (ó lado do Ulla). Durante o paseo poderemos ver as pontes sobre o río Ulla e algunha que outra fervenza.
Agardámosvos a todos en esta agradable saída.
Organización da saída:
O club Só lles falta falar quere recordar que para asistir ás actividades é preciso ser socio e que o noso can teña pasado o test de carácter. Máis información na web do club.