Blog

Qué facer cando atopas un can ?

 Queres ser de axuda cando se atopa un can ?

Qué se debe facer para que a túa axuda sexa realmente eficaz.

Pasos a seguir:

1º  Chama á Policía Local

En tódolos concellos hai un servicio permanente de atención á cidadanía.

2º  Chama á Policía Local

3º Chama á Policía Local

4º Unha vez que xa estamos en contacto debemos dar a seguinte información:

• Se temos collido o can ou se so o vimos
• Descripción física do can

5º Segue as instruccións que che dean

6º Agora si, se queres, podes publicalo nas redes sociais

Qué pasa se non segues estes pasos ?

Ainda que a túa intención sexa boa, provocas, entre outros, estos problemas:

• No caso dos cans que son queridos e buscados, retrasas que volva coa súa familia porque o primeiro que facemos cando perdemos un can é chamar á Policía Local, se ti o atopas e chamas, nuns minutos pódese establecer o contacto.

Este sistema é universal, as redes sociais están limitadas ao teu círculo.

• Cando ‘Só lles falta falar’ está axudando cos rastrexadores a atopar un can, necesitamos avisos directos e rápidos sobre a ubicación donde foi visto, estamos en contacto telefónico directo ca familia do can e cos servicios municipais, se o aviso non é directo, tarda demasiado tempo en chegar a nós e á xente que o está buscando activa e directamente.
• Se colles un can e non das aviso á autoridade, estás cometendo un delito, estás roubando. A familia do can pódeche poñer unha denuncia por roubo e unha demanda por danos.
• Dende o momento que recolles un can e non das aviso, es o responsable civil dos accidentes que ocasione o can.

Qué facer cando perdes un can ?

1º Chama á Policía Local

• Indica o lugar
• Da a descripción do can

2º Se estás fóra da zona urbana e hai risco de que o can deambule por estradas e autoestradas, da o aviso á Garda Civil.

3º Chama a canceiras e refuxios de animais.

4º Agora, podes publicalo nas redes sociais e buscar axuda de amigos e persoas que poidan atopalo.

Que facer cando Atopas_Perdes un Can

Lista de Refuxios e canceiras de Galicia

A semana pasada, comunicábannos unha fantástica noticia. A Margarita e á súa cadela Iza, membros da asociación ‘Só lles falta falar’, foilles concedida pola Xunta de Galicia a Autorización para o acceso ao contorno das persoas con discapacidade acompañadas de cans de asistenccia.

Qué quere dicir isto?

Pois este permiso, autoriza ao guía e ao seu can, neste caso a Margarita e a Iza a poder permanecer en calquera lugar, establecemento ou transporte público con independencia da súa titularidade pública ou privada.

Esta autorización concédeselle a persoas que necesiten estar sempre acompañadas do seu can. Neste caso, Margarita necesita a presenza de Iza tanto emocional como físicamente e iste e o motivo polo que Margarita se embarcou nesta aventura.

Margarita leva traballando moito tempo co Centro de Conducta animal ([email protected]) na educación de Iza para poder alcanzar o certificado de aptitude.

Este é o modelo que a Asociación ‘Só lles falta falar’ leva defendendo dende os seus comezos. Que certificando unha boa educación e bo manexo poidamos convivir con NORMALIDADE co noso can de familia. E non estamos falando so de persoas coma Margarita que necesitan as 24 hrs o seu can consigo senón tamén que os propietarios de cans que demostremos que o noso can é apto, poidamos tamén acceder a establecementos e ao transporte públicos.

Por iso seguimos traballando para que a administración instaure o sistema de GOODNEIGHBOURS ou DISCO VERDE (Proposta Bo Cidadán Canino)

Os nosos Parabéns Margarita!!!!

OUTRO MODELO DE CONVIVENCIA É POSIBLE !!!